Genyen Lespwa
Menm si replik sou replik nan la repiblik
Si nou satiyet li l' pa fè ik
Menm si la repiblik lonje nan sèkèy
Pa ni pye ni branch sitwonel poun fè vèy
Genyen Lespwa
Menm si replik sou replik nan la repiblik
Si nou satiyet li l' pa fè ik
Menm si la repiblik lonje nan sèkèy
Pa ni pye ni branch sitwonel poun fè vèy
Menm si pa gen doktè pou pran swenl
Pap gen kwôk mô pou benyen l
La repiblik Finn pase, depase trepase
Genyen lespwa...
Gen pi plis Lespwa toujou...
Menm si kamyon ap pote avyon, avyon frape moto sou yon menm pis Avyon al chèche lenmi avyon depòte zanmi
Chita dèyè devan nan mitan , nou pa an sekirite nan okenn ti bis Menm lè tout pati nan kó la repiblik finn vole gagè
Je l' pa nan tèt li , tèt li pa sou zèpol li
Vant li pa nan kó l ,
Bouch li pa gen gou.
Men pa nan pòch
Soulye 'l de grenn gôch
Genyen lespwa...
Adye wi gen lespwa...
Menm si tout madan sara ak papiyon la senjan pran kanntè Sou yon galon san moso papye nap pran lanmè
Nan travèse nou kontre tout bèt anba forè
Pitit la repiblik finn tounen sousaflè
Lespwa fè viv...
Anba yon menm pomp gazolinn
Nap rale nway pase brikè pale nan selilè
Recho dife chabon poul la fè chwèè
Fatra ap boule lafimen moute tou nwè
Genyen lespwa...
Nan yon ti chanm Kay yon lekol 3 vakasyon
Se denye chwa pitit sôyèt pou ti moso ledikasyon
Kay mal bati sou pil fatra move strikti
Goudou goudou yon ti sekous anmwey Jezi
Genyen lespwa...
Menm si pitit la repiblik ini pou dezini
Asosye pou disosye
Rasanble pou gaye
Linyon fè la fós la mal entèprete
Genyen Lespwa...
La repiblik ap reviv
Viv la REPIBLIK.
