Ministè Edikasyon Nasyonal ak Fomasyon Pwofesyonèl (MENFP), ap raple tout moun, espesyalman tout direktè lekòl yo, desizyon ki te entèdi seremoni gradiyasyon yo nan nivo preskolè ak nan klas entèmedyè nan lekòl fondmantal ak nan segondè yo, toujou kenbe.
Ministè Edikasyon Nasyonal ak Fomasyon Pwofesyonèl (MENFP), ap raple tout moun, espesyalman tout direktè lekòl yo, desizyon ki te entèdi seremoni gradiyasyon yo nan nivo preskolè ak nan klas entèmedyè nan lekòl fondmantal ak nan segondè yo, toujou kenbe.
Dapre ministè a, senpman elèv ki nan dènye ane lekòl fondamantal ( 9yèm ane fondamantal) ak nan dènye ane segondè ( segondè 4), otorize pou fè seremoni gradiyasyon.
Li avanse pou fè konnen, zafè gradiyasyon an pa yon obligasyon pou paran yo. Okenn direksyon lekòl pa dwe sanksyone yon elèv si li pa patisipe nan yon seremoni gradyasyon. Sa se yon ak volontè bò kote elèv la ak paran l.
Ministè a raple, li te pran desizyon sila, nan yon sikilè ki te pibliye nan dat 16 oktòb 2014 la. Yon fason pou l te mete yon fren ak anpil deriv li te konstate nan seremoni gradiyasyon yo. Tankou : direksyon lekòl ki t ap egzije paran gwo sòm lajan pou aktivite sila a, sitou pou timoun ki te nan nivo preskolè.
Direksyon depatmantal edikasyon yo, avèk enspektè lekòl yo, dwe pran tout dispozisyon pou fasilite aplikasyon desizyon sa a kòmsadwa.
Biwo kominikasyon / MENFP
