Mwen dòmi mwen pa vle leve
Mwen pa vle rankontre ak solèy la
Mwen dòmi mwen pa vle leve
Mwen pa vle rankontre ak solèy la
Ki ap boule maleng lavi a banm
Ki refize geri
Mwen dòmi mwen pa vle leve
Mwen pa vle manman latè
Santi doulè zantray pitit li
Nan pwomennen pye atè
Mwen dòmi mwen pa vle leve
Mwen pa vle pran sant flè
Ki sèvim fwèt le mwen di non
Ki levem’ frapem’ atè
Mwen dòmi mwen pa vle leve
Mwen pa vle la sosyete wèm’
Pou yo pa fouye zo nan kalaloum’
Poum’ pa kontinye bay manti, fè sanblan
Mwen dòmi mwen pa vle leve
Paske se dra ki refochem’
Paske se zòrye ki konnen gou kriyem’
Paske se matla ki toujou pranm nan bral’
Paske se la mwen vle rete
A propos de
Randy C. Pierre-Louis
Randy C. Pierre-Louis est mariée et a une petite fille d’un an, est née à Port-au-Prince en 1991 mais pour des raisons personnelles, sa famille avait déménagé aux Cayes en 2000. Elle a fait ses études primaires chez les Soeurs de La Providence et les frères Odile Joseph…
