Konsèy Prezidansyel Tranzisyon an resevwa jounen mèkredi 5 jen 2024 la Reprezantan 2 Òganizasyon ki se Lakou lapè ak Haïti Matters kap evolye nan peyi Irlande ki se yon peyi ki te konnen anviwon 30 lane gè sivil ant Pwotestan ak Katolik.
Òganizasyon sa yo pwomèt pou mete ekspètiz yo an favè Ayiti, ensite envèstisè prive etranje vin kreye biznis nan peyi a epi fè pwomosyon pou plis angajman Inyon Ewopeyèn nan kad demach pou ede peyi a soti nan sitiyasyon difisil li twouve'l la.
Leslie VOLTAIRE, Fritz Alphonse JEAN, Frisnel JOSEPH ak Laurent ST-CYR se 4 Konseye-Prezidan ki te reprezante Konsèy Prezidansyèl Tranzisyon an.
Ansan'm, yo te pwofite okazyon an pou remèsye Reprezantan 2 Òganizasyon yo ki montre aklè lanmou yo genyen pou Peyi a.
